Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բարսեղ Նիկողոսյանն այցելել է Լեռնագոգ բնակավայր
04.08.2025
ՀՀ Արմավիրի մարզպետի տեղակալի պաշտոնակատար, մարզպետին փոխարինող Բարսեղ Նիկողոսյանը Բաղրամյան համայնքի ղեկավար Շանթ Առաքելյանի, մարզպետի աշխատակազմի ոլորտային պատասխանատուների, համայնքապետարանի աշխատակիցների ուղեկցությամբ այսօր այցելել է Լեռնագոգ բնակավայր, ծանոթացել 850 մ երկարությամբ վերանորոգված խմելու ջրագծի աշխատանքներին, տեղում լսել բնակչության կողմից բարձրացված խնդիրները, պատասխանել հնչեցրած հարցերին։
Առաջարկվել են <<Վեոլիա ջուր>> ընկերության հետ արդյունավետ համագործակցությամբ խմելաջրի օգտագործման կառավարման ոլորտում բարեփոխումներ կատարել՝ ջրի խնայողաբար սպառման նպատակով։
Մարզպետի տեղակալի պաշտոնակատարը հանդիպել է նաև Լեռնագոգում Համահայկական հիմնադրամի կողմից կառուցված թաղամասում ապրող արցախցի բնակիչներին, զրուցել նրանց հետ, քննարկել նորակառույց թաղամասի կոմունիկացիոն համակարգին վերաբերող մի շարք հարցեր։
