Արմավիրի մարզպետի աշխատակազմ

ՀՀ Արմավիրի մարզպետի տեղակալի պաշտոնակատար, մարզպետին փոխարինող Բարսեղ Նիկողոսյանն այսօր խորհրդակցություն է անցկացրել մարզպետի աշխատակազմի և համայնքապետարանների համապատասխան ներկայացուցիչների մասնակցությամբ, որի ընթացքում քննարկվել են համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի նախատեսվող մեկնարկին, ընթացիկ աշխատանքներին, ինչպես նաև վաղուց հաստատված, բայց չիրագործված ծրագրերի հիմնավորումներին վերաբերող մի շարք հարցեր։

Ներկայացվել է սուբվենցիոն ծրագրերի իրականացմանը խոչընդոտող տեխնիկական խնդիրների, նաև դրանց ժամկետների պահպանման գործընթացներին առնչվող տեղեկատվությունը։

Ամփոփելով խորհրդակցությունը՝ Բարսեղ Նիկողոսյանը նշել է, որ անհրաժեշտ է գործադրել հնարավոր բոլոր միջոցները՝ ավելորդ բարդություններից խուսափելու համար։