Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Վահրամ Խաչատրյանն այցելել է «ՆՈԱ» ֆուտբոլային ակումբի ակադեմիա
11.10.2025
ՀՀ Արմավիրի մարզպետ Վահրամ Խաչատրյանը Վաղարշապատ համայնքի ղեկավարի ժամանակավոր պաշտոնակատար Արգիշտի Մեխակյանի և «ՆՈԱ» ֆուտբոլային ակումբի նախագահ, սեփականատեր Վարդգես Վարդանյանի հետ այսօր այցելել է «ՆՈԱ» ֆուտբոլային ակումբի ակադեմիա՝ տեղում ծանոթանալու ակադեմիայի տարածքում իրականացվող շինարարական աշխատանքների ընթացքին։
Ակումբի նախագահը մարզպետին ներկայացրել է կատարված աշխատանքների ընթացքը, առաջիկա ծրագրերն ու իրականացվելիք միջոցառումները։
Նշենք, որ Վաղարշապատում կառուցվող համալիրն իր մեջ ներառելու է ոչ միայն ժամանակակից ֆուտբոլային մարզադաշտ, այլև բարձրակարգ հյուրանոցային համալիր, փակ մարզադաշտ, հանրակրթական դպրոց, սպորտային մարզասրահ, լողավազան, գիշերակացի հանրակացարան, ֆուտբոլային ակադեմիա, ինչպես նաև 4-6 բնական և արհեստական խոտածածկ մարզադաշտեր։
Ծրագիրը նպատակ ունի ստեղծել համակողմանի մարզական, կրթական և սոցիալական ենթակառուցվածք՝ նպաստելով մարզային սպորտի զարգացմանը և երիտասարդ սերնդի առողջ ապրելակերպի խթանմանը։
