Արմավիրի մարզպետի աշխատակազմ

Արմավիրի մարզի Արմավիր համայնքի Հացիկ բնակավայրում տեղի ունեցավ մանկապարտեզի շենքի կառուցման հիմնարկեքի հանդիսավոր արարողությունը, որը մեկնարկեց տեր Սարգիս քահանա Խլղաթյանի օրհնությամբ և տերունական աղոթքով։

Միջոցառմանը ներկա էին ՀՀ Արմավիրի մարզպետ Վահրամ Խաչատրյանը, Արմավիր համայնքի ղեկավար Վարշամ Սարգսյանը, Հացիկի վարչական ղեկավար Արթուր Եղիազարյանը, համայնքի ավագանու անդամներ, Արմավիրի մարզպետի աշխատակազմի և համայնքապետարանի աշխատակիցներ, ինչպես նաև բազմաթիվ բնակիչներ ու հյուրեր։

Մարզպետը ողջունեց ներկաներին և շնորհավորեց մանկապարտեզի կառուցման մեկնարկի կապակցությամբ՝ ընդգծելով, որ նոր մանկապարտեզը մեծ նշանակություն կունենա Հացիկի երեխաների կրթության, դաստիարակության և ապահով միջավայրում սոցիալականացման համար։

Մանկապարտեզի կառուցման աշխատանքներն իրականացվելու են 2025 թվականի սուբվենցիոն ծրագրի շրջանակում՝ 387 միլիոն դրամ ընդհանուր արժեքով։ Ծրագրի ֆինանսավորումն ապահովելու է 70% պետությունը և 30% համայնքը։