Արմավիրի մարզպետի աշխատակազմ

Կոտայքի մարզում՝ Ծաղկաձորի գլխավոր մարզահամալիրի ծածկած լողավազանում, կայացել են «Հայաստանի Հանրապետության վարչապետի գավաթ» դպրոցականների լողի մրցաշարի եզրափակիչ փուլի մրցումները։

Միջոցառումն անցկացվել է 2 տարիքային խմբերով՝ հանրակրթական ուսումնական հաստատությունների 3-6-րդ և 7-12-րդ դասարանների աշակերտներից կազմված մարզերի հավաքական թիմերի միջև։

Արմավիրի մարզը ներկայացրել են երկու տարիքային խմբերի հավաքական թիմերը, որոնց յուրաքանչյուրում ընդգրկված են եղել 4 տղա և 4 աղջիկ։ Առաջին տարիքային խմբի մասնակիցները մրցել են 8x50 մետր, իսկ երկրորդինը՝ 8x100 մետր ազատ ոճով փոխանցումալողերում:

3-6-րդ դասարանների մրցաշարում լավագույն եռյակում իրենց տեղերը հաջորդաբար զբաղեցրել են` Երևանի, Շիրակի ու Կոտայքի թիմերը, իսկ 7-12-րդ դասարաների մրցաշարում՝ Երևանի, Շիրակի և Լոռիի թիմերը: