Արմավիրի մարզպետի աշխատակազմ

Մեծ շուքով վառվեցին Վաղարշապատ համայնքի գլխավոր տոնածառի լույսերը։ Միջոցառմանը մասնակցել են ՀՀ Արմավիրի մարզպետ Վահրամ Խաչատրյանը և Վաղարշապատ համայնքի ղեկավար Արգիշտի Մեխակյանը։

Տոնակատարությունը սկսվել է գունեղ շոու-ծրագրով, որը համայնքի բնակիչներին ու հյուրերին պարգևել է տոնական տրամադրություն, իսկ հետո հանդիսավոր կերպով ազդարարվել է համայնքի գլխավոր տոնածառի լուսավորության մեկնարկը՝ ազդարարելով ամանորյա տոների սկիզբը։

Շնորհավորական իր խոսքում մարզպետ Վահրամ Խաչատրյանը ներկաներին մաղթել է խաղաղ ու անվտանգ կյանք, առողջություն ու բարեկեցություն յուրաքանչյուր ընտանիքին, համախմբվածություն և նոր ձեռքբերումներ՝ ի նպաստ Վաղարշապատ համայնքի զարգացման և բարօրության։