Արմավիրի մարզպետի աշխատակազմ

Փոխմարզպետ Արամ Գրիգորյանն Արաքս համայնքի ղեկավար Ղազար Ղազարյանի, մարզպետի աշխատակազմի և համայնքապետարանի ոլորտային պատասխանատուների հետ այցելել է Մեծամորի միջնակարգ դպրոց, որտեղ Հայաստանի տարածքային զարգացման հիմնադրամի ֆինանսավորմամբ իրականացվել են վերանորոգման աշխատանքներ։

Պաշտոնյաները դպրոցի տնօրենի և վարչատնտեսական մասի համակարգողի հետ շրջայց են կատարել դպրոցում, ծանոթացել իրականացված աշխատանքներին և առկա խնդիրներին, զրուցել շինարարական աշխատանքներն իրականացնող կազմակերպության ներկայացուցչի հետ, ինչպես նաև կատարել դիտարկումներ՝ հանձնարարելով կարճ ժամկետում վերացնել արձանագրված թերությունները։

Փոխմարզպետ Արամ Գրիգորյանը զրուցել է նաև մանկավարժական համակազմի հետ, լսել նրանց բարձրացրած հարցերն ու մտահոգությունները՝ ընդգծելով, որ հնարավորության սահմաններում դրանք առաջիկայում կլուծվեն՝ ըստ առաջնահերթության։ 

Մանրամասները՝ տեսանյութում ⇒ https://www.facebook.com/share/r/187fuat4qt/