Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետ Վահրամ Խաչատրյանի շնորհավորական ուղերձը Կանանց տոնի առթիվ
08.03.2026
Սիրելի՛ տիկնայք,
Ջերմորեն շնորհավորում եմ Կանանց տոնի՝ մարտի 8-ի առթիվ։
Գարնան այս գեղեցիկ և խորհրդանշական օրն առիթ է արժևորելու հայ կնոջ դերը հայկական ընտանիքներում, հասարակական կյանքում և պետականության կայացման ճանապարհին։ Հայ կինը դարեր շարունակ եղել է ընտանիքի ամրության, սիրո ու հոգատարության խորհրդանիշը՝ պահպանելով ազգային արժեքներն ու դաստիարակելով արժանապատիվ սերունդներ։
Ձեր իմաստությունը, համբերությունն ու նվիրումն անգնահատելի ներդրում ունեն մեր հասարակության զարգացման և ամրապնդման գործում։ Դուք եք այն ուժը, որը լույս ու ջերմություն է բերում ընտանիքներ, ներշնչում հավատ ապագայի հանդեպ և ձևավորում վաղվա պատասխանատու քաղաքացիներին։
Եվ ուրեմն, այս հրաշալի օրը մաղթում եմ ձեզ առողջություն, երջանկություն և անսպառ ընտանեկան ջերմություն։ Թող ձեր ներկայությունն ու ուժը շարունակեն լինել խաղաղության, ստեղծարարության և բարության այն աղբյուրը, որով հարստանում է մեր հայրենիքը։
