Արմավիրի մարզպետի աշխատակազմ

Արմավիրի մարզպետ Վահրամ Խաչատրյանը այցելել է Բաղրամյան համայնքի Շենիկ բնակավայրի մանկապարտեզ, որը բարերարների աջակցությամբ մասնակի վերանորոգվել է։
Մարզպետին ներկայացվել է հաստատության շենքային պայմանները և կրթադաստիարակչական գործընթացի կազմակերպումը։ Քննարկվել են առկա խնդիրները, այդ թվում՝ լրացուցիչ գույքի ձեռքներման, դասասենյակների բարեկարգման և պայմանների շարունակական բարելավման անհրաժեշտությունը։
Այնուհետև մարզպետը շրջել է մշակույթի տանը, որտեղ տեղակայված է նաև բնակավայրի վարչական շենքը։ Նա ծանոթացել է մշակույթի տանը գործող խմբակների աշխատանքներին, իրականացվող ծրագրերին և համայնքային մշակութային կյանքի ակտիվացման ուղղությամբ կատարվող քայլերին։
Այցի ընթացքում ընդգծվել է նմանատիպ նախաձեռնությունների շարունակականության կարևորությունը՝ համայնքի բնակիչների կյանքի որակի բարձրացման և սոցիալ-մշակութային միջավայրի զարգացման տեսանկյունից։
Համայնքի ղեկավար Շանթ Առաքելյանը մարզպետին ներկայացրել է նաև վարչական շրջանում իրականցվող մյուս աշխատանքների ընթացքի մասին: 

Մանրամասները՝ տեսանյութում ► https://www.facebook.com/share/r/1BLxtrtU4y/