Արմավիրի մարզպետի աշխատակազմ

Արմավիրի Շախմատի դպրոցում տեղի ունեցավ «Հայաստանի Հանրապետության Արմավիրի մարզպետի գավաթ» շախմատի մրցաշարի եզրափակիչ խաղը։
Մի քանի օր շարունակ ընթացող մտավոր մրցապայքարի ընթացքում մրցեցին պետական և տեղական ինքնակառավարման մարմինների, ինչպես նաև տարբեր կազմակերպությունների ներկայացուցիչներից կազմված թիմերը։
Համառ և հետաքրքիր պայքարի արդյունքում մրցաշարում՝
առաջին տեղը զբաղեցրեց Հայկական ատոմային էլեկտրակայանի թիմը,
երկրորդ տեղը՝ Արմավիրի մարզպետի աշխատակազմի թիմը,
երրորդ տեղը՝ Էջմիածնի ՋՕԸ-ի թիմը։
Հաղթող թիմերը պարգևատրվեցին Արմավիրի մարզպետի հավաստագրերով, մեդալներով և գավաթներով, իսկ կազմակերպիչները `շնորհակալագրերով։
Մրցաշարի ավարտին Արմավիրի փոխմարզպետ Արամ Գրիգորյանը շնորհավորեց մրցանակակիրներին և բարձր գնահատեց մրցաշարի կազմակերպման մակարդակը՝ ընդգծելով, որ նման նախաձեռնությունները նպաստում են մտավոր սպորտի զարգացմանը և ամրապնդում են համագործակցությունը պետական ու տեղական ինքնակառավարման մարմինների միջև։
Նշենք, որ մրցաշարին մասնակցում էին 9 թիմ՝ Արմավիրի մարզպետի աշխատակազմի, Արմավիրի, Մեծամորի, Փարաքարի և Վաղարշապատի համայնքապետարանների, ինչպես նաև ջրօգտագործողների ընկերությունների, էլեկտրական ցանցերի, «Հայփոստ» ՓԲԸ-ի, «Գազպրոմ Արմենիա» ՓԲԸ-ի և Հայկական ատոմային էլեկտրակայանի ներկայացուցիչներից կազմված թիմերը։

Մանրամասները տեսանյութում ►https://www.facebook.com/share/r/16xUaJBoQx/