Արմավիրի մարզպետի աշխատակազմ

Արմավիրի տարածաշրջանային պետական քոլեջում անցկացվել է «Բաց դռների օր» միջոցառումը, որի շրջանակում ձևավորվել է արդյունավետ հարթակ ուսանողների, ապագա դիմորդների և գործատուների անմիջական շփման համար։

Քոլեջի բակում կազմակերպված տաղավարներում ներկայացված էին ինչպես տարբեր կազմակերպություններ և գործարարներ, այնպես էլ քոլեջի ուսանողները, ովքեր ներկայացրել են իրենց մասնագիտական բաժինները, ձեռքբերումներն ու ուսումնական գործընթացի առանձնահատկությունները։
Ուսանողները հնարավորություն են ունեցել անմիջականորեն ներկայացնել իրենց մասնագիտությունները, կիսվել փորձով և պատասխանել հետաքրքրված այցելուների հարցերին։

Գործատուները, իրենց հերթին, ներկայացրել են պրակտիկայի անցնելու, մասնագիտական հմտություններ զարգացնելու և հետագա աշխատանքի տեղավորման հնարավորությունները։

Միջոցառմանը ներկա են գտնվել Արմավիրի փոխմարզպետ Արամ Գրիգորյանը, Արմավիրի տարածաշրջանայի քոլեջի տնօրեն Ջեմմա Սարգսյանը, ՀՀ Արմավիրի մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը, մարզպետի աշխատակազմի ներկայացուցիչներ, հանրակրթական հաստատությունների ղեկավարներ և աշակերտներ, ինչպես նաև բազմաթիվ հյուրեր։
 

Մանրամասները՝ տեսանյութում► https://www.facebook.com/share/v/14Zj1Cq2JSq/