Արմավիրի մարզպետի աշխատակազմ

Արդեն 13-րդ անգամ գաստրոտուրիզմի համեղ փառատոններից մեկը՝ «Ուդուլի» տոլմայի փառատոնը, ««Զվարթնոց» պատմամշակութային արգելոց-թանգարանի տարածքում իր շուրջն էր համախմբել զբոսաշրջիկներին, խոհարարներին, տոլմայի սիրահարներին։

Փառատոնին ներկա են գտնվել Արմավիրի մարզպետի տեղակալ Արամ Գրիգորյանն ու մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը։

Մարզպետի տեղակալը, ողջունելով ներկաներին և կարևորելով փառատոնի գաղափարը, անցկացման վայրը, կրթադաստիարակչական ու մշակութային նշանակությունը, մաղթել է , որ ավանդույթ դարձած այս միջոցառումը երկար կյանք ունենա։

Փառատոնի շրջանակում ներկայացվել է 30-ից ավելի տաղավար, որտեղ խոհարարները ներկայացրել են տոլմայի բազմաթիվ տեսակներ։ Անցկացվել է մրցույթ «Լավագույն համ», «Լավագույն տեսք» «Լավագույն մտահաղացում», «Բացարձակ հաղթող» անվանակարգերում։

Ազգային համերից բացի այցելուները հնարավորություն են ունեցել վայելելու ազգային երգն ու պարը։ Համերգային ծրագրով հանդես է եկել Ethno Colors Band-ը։