Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետի աշխատակազմում շարունակվում է արտակարգ իրավիճակների հետևանքով պատճառված վնասների գնահատման գործընթացը
25.08.2026
Արմավիրի մարզպետի տեղակալ Արամ Գրիգորյանն անցկացրել է հերթական աշխատանքային խորհրդակցությունը, որի ընթացքում քննարկվել են Արմավիրի մարզի Մեծամոր համայնքի Գետաշեն և Բերքաշատ բնակավայրերում 2026 թվականի օգոստոսի 10-ին տեղի ունեցած ուժգին քամու և կարկուտի հետևանքով համայնքների բնակիչների գյուղատնտեսական հողատարածքների և անշարժ գույքի պատճառված վնասների վերաբերյալ հարցերը:
Պատասխանատուները ներկայացրել են արտակարգ իրավիճակների հետևանքով ֆիզիկական և իրավաբանական անձանց պատճառված վնասների գնահատման հանձնաժողովների կողմից իրականացվող աշխատանքները, մինչ այս իրականացված գնահատման աշխատանքների արդյունքները և անդրադարձել վնասված օբյեկտների հետագա վերականգնման հնարավորություններին։ Քննարկվել են նաև գործընթացի կազմակերպմանն ու աշխատանքների ավարտին վերաբերող հարցեր։
Մարզպետի տեղակալ Արամ Գրիգորյանը տվել է համապատասխան հանձնարարականներ՝ աշխատանքներն արդյունավետ և սահմանված ժամկետներում իրականացնելու նպատակով։
