Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզը՝ արվեստի, արհեստների և ավանդական համերի գունեղ ներկայացմամբ
28.08.2026
Հարգելի' հայրենակիցներ, սիրով տեղեկացնում ենք, որ սեպտեմբերի 5֊ին Դիլիջան քաղաքում անցկացվելու է «Արվեստների և արհեստների» ամենամյա փառատոնը, որին Արմավիրի մարզը ներկայանալու է երեք համայնքների` Արմավիրի, Արաքսի, Բաղրամյանի մասնակցությամբ՝ ներկայացնելով մարզի մշակութային հարուստ ժառանգությունը, ստեղծագործական ներուժն ու ավանդական խոհանոցը։
Փառատոնի այցելուները հնարավորություն կունենան ծանոթանալու Արմավիրի վարպետների աշխատանքներին՝ կերպարվեստ, ասեղնագործություն, խեցեգործություն, գոբելենագործություն, տիկնիկագործություն և փայտարվեստ։
Կանցկացվի նաև կերպարվեստի վարպետաց դաս՝ գեղանկարչության ուղղությամբ՝ բնորդի և բնանկարի թեմաներով։
Մարզի մշակութային ներկայությունն ամբողջացնելու է պարային ծրագիրը՝ փառատոնին հաղորդելով ազգային շունչ, շարժում և ուրախ տրամադրություն։
Իսկ Արմավիրի համերն իրենց յուրահատուկ տեղը կունենան փառատոնում․ կներկայացվեն տեղական խոհանոցին բնորոշ խուրջին, ավելուկով ուտեստներ և չրերով հատիկավոր գաթա։
Արմավիրի մարզը Դիլիջան է տանելու իր գույները, համերը, ստեղծագործ ձեռքերն ու ավանդույթները՝ փառատոնին հաղորդելով ջերմություն, ինքնատիպություն և տոնական տրամադրություն։
Եկե՛ք միասին բացահայտենք Արմավիրի գույներն ու համերը, վայելելու արվեստն ու արհեստը և մեր տաղավարի հետ փառատոնին հաղորդենք ավելի շատ գույն, ժպիտ ու ուրախ տրամադրություն։
