Արմավիրի մարզպետի աշխատակազմ

Հարգելի՛ փրկարարներ,
Շնորհավորում եմ ձեզ մասնագիտական տոնի՝ Փրկարարի օրվա առթիվ։
Փրկարարի աշխատանքը պարզապես մասնագիտական պարտքը կատարելը չէ․ այն առաքելություն է, որի իրականացման համար պետք է ունենալ մեծ պատասխանատվություն, խիզախություն, անձնվիրություն և մարդկային բարձր արժեքներ։
Ամենադժվար ու վտանգավոր իրավիճակներում դուք առաջիններից եք, ովքեր օգնության են հասնում՝ փրկելով մարդկային կյանքեր, պաշտպանելով մարդկանց և վերականգնելով նրանց անվտանգության զգացումը։
Ձեր ամենօրյա ծառայությունը, արիությունն ու պատրաստակամությունը բարձր գնահատանքի են արժանի։
Հատկապես կարևոր է այն վստահությունը, որ քաղաքացիները զգում են՝ իմանալով, որ վտանգի պահին իրենց կողքին կանգնած են պրոֆեսիոնալ և նվիրված փրկարարներ։
Մաղթում եմ ձեզ քաջառողջություն, ուժ ու տոկունություն, անվտանգ ծառայություն և հաջողություն ձեր պատասխանատու աշխատանքում։
Թող յուրաքանչյուր հերթապահություն ավարտվի խաղաղ վերադարձով, իսկ ձեր ընտանիքներում միշտ տիրեն խաղաղությունն ու բարեկեցությունը։
Շնորհավոր Փրկարարի օրը։