Արմավիրի մարզպետի աշխատակազմ

Արմավիրի մարզում ավարտվել են 2026 թվականի նախազորակոչային և զորակոչային տարիքի երիտասարդության հանրապետական ռազմամարզական խաղերի մարզային փուլերը, որոնցում հաղթող է ճանաչվել Մուսալեռի Ֆրանց Վերֆելի անվան միջնակարգ դպրոցի հավաքական թիմը:
Երկրորդ տեղը զբաղեցրել է Լեռնագոգի Օնիկ Փակումեանի անվան միջնակարգ դպրոցի, իսկ երրորդը՝ Արգավանդի միջնակարգ դպրոցի թիմը:

Մրցույթներն անցկացվել են 3 փուլով՝ ներդպրոցական, համայնքային և մարզային։
Ռազմամարզական խաղերին մասնակցել են հանրակրթական դպրոցների 10-12-րդ դասարանցիներից ձևավորված թիմերը։ Յուրաքանչյուր թիմի կազմում հանդես է եկել 9 տղա մարզիկ: Արմավիրի մարզում ռազմամարզական խաղերի մարզային փուլին մասնակցել է 15 թիմ։

Նշենք, որ մարզային փուլում հաղթած թիմը կմասնակցի ռազմամարզական խաղերի հանրապետական եզրափակիչ փուլին:

Հաջողություններ ենք մաղթում բոլոր մասնակից դպրոցներին: