Արմավիրի մարզպետի աշխատակազմ

ՀՀ մարզերի և Երևան քաղաքի հանրակրթական դպրոցների 7–12-րդ դասարանների աշակերտների միջև անցկացվող «Սպարտակիադա» մարզական միջոցառման շրջանակում հոկտեմբերի 12-ին տեղի են ունեցել Արմավիրի մարզի դպրոցականների ֆուտզալի մարզային մրցումները։

Մրցումների արդյունքում առաջին պատվավոր տեղը զբաղեցրել է Սարդարապատի միջնակարգ դպրոցի թիմը։ Երկրորդ տեղը գրավել է Գրիբոյեդովի Վ. Ռոստոմյանի անվան միջնակարգ դպրոցի, իսկ  երրորդ տեղը՝ Հայթաղի Հրայր Կարապետյանի անվան միջնակարգ դպրոցի թիմը։

Մրցանակային տեղեր զբաղեցրած դպրոցների թիմերը ՀՀ կրթության, գիտության, մշակույթի և սպորտի նախարարության կողմից պարգևատրվել են հավաստագրերով և գավաթներով։

Մարզային փուլի հաղթող թիմն Արմավիրի մարզը կներկայացնի նոյեմբերի 13-ին Երևանում կայանալիք հանրապետական փուլի մրցումներում։

Մաղթում ենք մեր պատանի մարզիկներին հաջողություն և հաղթանակներ հանրապետական փուլում։ 
 

Մանրամասները տեսանյութում՝ https://www.facebook.com/share/r/1F2QQTGatv/