Տեղեկատվական կենտրոն
Նորություններ
Մարզպետն ընդունեց ՌԴ Սվերդլովսկ նահանգի կառավարության և Յարոսլավլի նահանգապետարանի պատվիրակներին
12.10.2012
Մարզպետ Աշոտ Ղահրամանյանն այսօր ընդունեց հայ-ռուսական միջտարածաշրջանային համագործակցության երկրորդ համաժողովի շրջանակներում Հայաստան ժամանած ՌԴ Սվերդլովսկ նահանգի փոխվարչապետ Վլադիմիր Վլասովին և Յարոսլավլի նահանգապետարանի աշխատակազմի արձանագրային վաչության պետ Յուլյա Վետոչկինային: Հանդիպմանը մասնակցում էին նաև ՀՀ Արմավիրի մարզպետի տեղակալ Մովսես Քարտաշյանը և մարզպետարանի աշխատակազմի իրավաբանական բաժնի պետ Յուրի Մանվելյանը:
Մարզպետը ողջունեց հյուրերին` ընդգծելով, որ հայ-ռուսական միջտարածաշրջանային համագործակցության շրջանակներում արդեն երկրորդ անգամ կազմակերպվող համաժողովը հրաշալի առիթ է ընդլայնելու փոխգործակցությունը ՀՀ մարզերի և ՌԴ նահանգների միջև: Այդ համատեքստում նա անդրադարձավ ՀՀ Արմավիրի մարզի և ՌԴ Սվերդլովսկի և Յարոսլավլի նահանգների միջև վերջին տարիներին ձևավորված փոխհարաբերություններին և այժմ արդեն դրանց ընդլայնման հնարավորություններին`վստահություն հայտնելով, որ երկու նահանգների պատվիրակների այցը ևս նոր խթան կհաղորդի երկկողմ փոխգործակցության խորացմանը:
ՌԴ պատվիրակները, բարձր գնահատելով կողմերի միջև առկա փոխհարաբերությունները, պատրաստակամություն հայտնեցին նպաստելու դրանց ընդլայնմանն ու հետագա զարգացմանը:
Ապա զրուցակիցները խոսեցին երկկողմ հետաքրքրություն ներկայացնող հարցերի շուրջ, անդրադարձան մի շարք ոլորտներում փոխգործակցության հնարավորություններին:
Հանդիպման ավարտին ռուսաստանյան պատվիրակները մարզպետ Աշոտ Ղահրամանյանին փոխանցեցին իր գործընկերների հրավերները` ՌԴ Սվերդլովսկի և Յարոսլավլի նահանգներ այցելելու վերաբերյալ: