Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայոց ցեղասպանության 100-րդ տարելիցին նվիրված միջոցառում` Վանանդ համայնքի միջնակարգ դպրոցում
20.05.2015
ՀՀ Արմավիրի մարզի Վանանդ համայնքի միջնակարգ դպրոցի աշակերտների մասնակցությամբ այսօր տեղի ունեցավ <<Հայդուկային շարժում և Զորավար Անդրանիկի 150-ամյակ>> խորագիրը կրող միջոցառում` նվիրված Հայոց ցեղասպանության 100-րդ տարելիցին:
Միջոցառմանը ներկա էին ՀՀ Արմավիրի մարզպետ Աշոտ Ղահրամանյանը, մարզպետարանի կրթության, մշակույթի և սպորտի վարչության պետ Գայանե Սայադյանը, պաշտոնատար այլ անձինք և հյուրեր:
Դպրոցի սաները և դպրոցին կից գործող ազգագրական երգի-պարի խմբակի սաները ասմունքի, երգի և բեմադրության միջոցով ներկայացրեցին Հայդուկային շարժումը, տվյալ ժամանակահատվածում երկրում տիրող իրավիճակը, ինչպես նաև Զորավար Անդրանիկի կյանքն ու գործունեությունը:
Ներկաներին իր ողջույնի խոսքն ուղղեց մարզպետ Ա. Ղահրամանյանը` նշելով. <<Եվս մեկ անգամ համոզվեցինք, որ հայ ժողովուրդը անպարտ է, որ հայը երբեք չի ընկճվում: Այս փոքրիկները մեծանում են ազգային-հայրենասիրական ոգով, ինչը գրավականն է մեր երկրի հզորության ու կայունության: Փառք մեր պետությանը, փառք մեր հերոս ֆիդայիներին>>:
Կրթօջախի տնօրեն Հայկ Խաչիկյանն իր հերթին շեշտեց, որ առաջնային կարևորություն է տալիս սաներին ազգային-հայրենասիրական ոգով դաստիարակելու գործընթացին և նշեց, որ յուրաքանչյուր ազգ հզոր է իր անցած ճանապարհով:
