Տեղեկատվական կենտրոն
Նորություններ
Առատաշեն համայնքում բարելավվում է ոռոգման համակարգը
10.08.2015
Ինչպես արդեն տեղեկացրել էինք` շաբաթներ առաջ Առատաշեն համայնք կատարած այցի շրջանակում ՀՀ Արմավիրի մարզպետ Աշոտ Ղահրամանյանին զեկուցվել էր համայնքում ոռոգման ջրի հետ կապված խնդիրների մասին:
Առատաշենում առկա 630 հեկտար մշակովի հողատարածքներից 60 հեկտարը վերջին 3-4 տարիների ընթացքում դժվարությամբ է ոռոգվել, որի պատճառով գյուղացիները հրաժարվել են իրենց հողամասերը մշակել: Համայնքի մեկ այլ տարածքում էլ խնդիր է եղել սավաղատարի բացակայությունը, որը բացասաբար է ազդել մշակաբույսերի աճի վրա:
Մարզպետ Աշոտ Ղահրամանյանի անմիջական աջակցությամբ այսօր արդեն վերը նշված խնդիրներին լուծում է տրվել. համայնքում վերագործարկվել է մեկ խորքային հոր, 350 մ երկարությամբ ջրագիծ է անցկացվել, ինչպես նաև գործարկվել է սավաղատարը, որը հողերի մասնավորեցումից հետո փակվել էր և խնդրահարույց դարձել ոռոգման առումով:
Հավելենք, որ համայնքում ոռոգման համակարգի բարելավմանն ուղղված աշխատանքները դեռ շարունակվում են. այժմ 250-350 մ երկարությամբ ջրագծի խողովակ է անցկացվում` ոռոգման ջրի հետագա կորուստները կրճատելու համար: