Տեղեկատվական կենտրոն
Նորություններ
Մարզպետ Համբարձում Մաթևոսյանը ԿԳՄՍ նախարար Արայիկ Հարությունյանի և գործընկեր մարզպետների հետ շրջայց է կատարել Կոտայքի մարզի ճամբարներում
23.07.2019
ՀՀ կառավարության աջակցությամբ հունիսի 19-ից մեկնարկել է դպրոցականների ամառային հանգստի կազմակերպման այս տարվա ծրագիրը` երեք հերթափոխով: Արմավիրի մարզից ծրագրում ընդգրկված է 7-13 տարեկան 300 երեխա` առաջին հերթափոխում` 80, երկրորդում` 90, երրորդում` 130:
Ծրագրի շրջանակում հունիսի 19-ից օգոստոսի 15-ն ընկած ժամանակահատվածում 6 ճամբարում 20-ական օրով կհանգստանան զոհված, հաշմանդամ դարձած զինծառայողների և աշխարհազորայինների, ծնողազուրկ ու անապահով բազմազավակ ընտանիքների դպրոցահաuակ երեխաները:
Մարզպետ Համբարձում Մաթևոսյանը ԿԳՄՍ նախարար Արայիկ Հարությունյանի և Արագածոտնի, Գեղարքունիքի, Կոտայքի, Վայոց Ձորի մարզպետների հետ օրեր առաջ անակնկալ շրջայց է կատարել Կոտայքի մարզի ճամբարներում, զրուցել հանգստացող երեխաների և պատասխանատուների հետ:
Նշենք, որ մարզպետ Համբարձում Մաթևոսյանի նախաձեռնությամբ վերջերս «Հասմիկ» մանկական ճամբար են այցելել «ԲԱՐՁՈՒՆՔ 5165» ֆրանսահայ բարեգործական հասարակական կազմակերպության գլխավոր տնօրեն Լուսինե Մելիքյանը և կազմակերպության ատամնաբույժները: Նրանք «Բերանի խոռոչի հիվանդությունների կանխարգելում» թեմայի շուրջ դասընթացներ են կազմակերպել հանգստացող 300 երեխայի համար, որից հետո նրանց ատամի մածուկ և խոզանակ են նվիրել: