Արմավիրի մարզպետի աշխատակազմ

Սիրելի´ դպրոցականներ, հարգարժան մանկավարժներ, կրթության համակարգի նվիրյալներ, հարգելի ծնողներ, 

Շնորհավորում եմ բոլորիդ նոր ուսումնական տարվա մեկնարկն ազդարարող Գիտելիքի, գրի ու դպրության օրվա կապակցությամբ: Յուրաքանչյուր տարվա սեպտեմբերի մեկը գիտելիքներով հարստանալու, իրական արժեքներ ճանաչելու և նոր նպատակներ կյանքի կոչելու սկիզբն է: Հատկապես ջերմորեն եմ շնորհավորում առաջին անգամ գիտության դարբնոց ոտք դնող փոքրիկներին: Թող այս սեպտեմբերի 1-ը նոր ժպիտներ ու հաջողություններ բերի և դառնա նրանց կյանքի ամենահիշարժան օրերից մեկը:

Սիրով շնորհավորում եմ բոլոր դպրոցականներին, ցանկանում ուսումնատենչ ոգի, անսպառ եռանդ, նպատակասլացություն և աշխատասիրություն: Թող ուսումնառության ողջ ընթացքն ուղեկցվի աշխարհաճանաչման և ինքնադրսևորման գիտելիքներով, որում անգնահատելի է ձեր վաստակը, հարգելի մանկավարժներ, քանզի ձեզանից է կախված, թե ինչպիսի հայրենասեր և ազգանվեր քաղաքացիներ կձևավորվեն ապագայում:

Մեկ անգամ ևս շնորհավորում եմ բոլորիդ Գիտելիքի օրվա առթիվ: Մաղթում եմ հաջողություններ ուսուցման և ուսումնառության դժվարին, բայց պատվաբեր գործում: Թող յուրաքանչյուր նոր սկսվող ուսումնական տարի ձեզ էլ ավելի մոտեցնի ձեր նպատակներին:

                                                                        Լավագույն ցանկություններով՝
                                                                       ՀՀ Արմավիրի մարզպետ Համբարձում Մաթեւոսյան