Տեղեկատվական կենտրոն
Նորություններ
Մարզպետ Համբարձում Մաթեւոսյանն անակնկալ այց է կատարել մարզի կրթօջախներ
02.09.2019
ՀՀ Արմավիրի մարզպետ Համբարձում Մաթեւոսյանը մարզպետարանի կրթության, մշակույթի եւ սպորտի վարչության պետի պաշտոնակատար Սոնյա Բուդաղյանի ուղեկցությամբ այսօր անակնկալ այց է կատարել մարզի հանրակրթական ուսումնական հաստատություններ:
Նա եղել է Վաղարշապատի Երվանդ Օտյանի անվան թիվ 7, Մեծամորի թիվ 1 եւ Արմավիրի Մովսես Սիլիկյանի անվան թիվ 6 հիմնական դպրոցներում, շրջել դասասենյակներով, զրուցել աշակերտների եւ ուսուցիչների հետ, հետաքրքրվել դասապրոցեսներով, շնորհավորել ու բարեմաղթել նոր ուսումնական տարվա մեկնարկի կապակցությամբ:
Դպրոցներ կատարած այցի շրջանակում մարզպետը ծանոթացել է նաեւ ընդհանուր շենքային պայմաններին, իրականացված և նախատեսվող ծրագրերին: Համբարձում Մաթեւոսյանը տնօրենների հետ քննարկել է առաջնային լուծում պահանջող մի շարք հարցեր, որոշ խնդիրների կարգավորման առնչությամբ տվել համապատասխան հանձնարարականներ:
Արմավիրի 6-րդ դպրոցում մարզպետին ներկայացվել է կրթօջախի խնայած միջոցներով եւ մարզպետարանի անմիջական աջակցությամբ 3-րդ հարկում իրականացվող վերանորոգման աշխատանքների ընթացքը: Մարզպետը առաջարկել է դպրոցի տնօրենին գույքագրել հաստատությունում առկա հիմնախնդիրները և համատեղ քննարկման արդյունքում գտնել դրանց լուծման հնարավոր միջոցներ:
Հավելենք, որ 2019-2020 ուսումնական տարում մարզային ենթակայության 111 հանրակրթական դպրոցում ձևավորվել է շուրջ 1644 դասարան` 34636 աշակերտով: Առաջին դասարան հաճախել է շուրջ 3600 աշակերտ: