Տեղեկատվական կենտրոն
Նորություններ
Մարզպետը ներկա է գտնվել «Լավագույն մարզական ընտանիք» ամենամյա մրցույթի փակման հանդիսավոր արարողությանը
09.10.2019
Այսօր Ծաղկաձորի գլխավոր մարզահամալիրում տեղի է ունեցել Կրթության, գիտության, մշակույթի և սպորտի նախարարության ծրագրով իրականացվող «Լավագույն մարզական ընտանիք» 16-րդ մրցույթի փակման հանդիսավոր արարողությունը և հաղթողների պարգևատրումը:
Մասսայական դարձած մարզական միջոցառմանը ներկա է գտնվել նաև մարզպետ Համբարձում Մաթևոսյանը: Նա հանդիպել է Արմավիրի մարզից մրցույթին մասնակցած ընտանիքներին` հաջողություններ մաղթելով նրանց հետագա մրցելույթներում:
Մարզական միջոցառման շրջանակներում մարզպետ Համբարձում Մաթևոսյանը մրցանակներ է հանձնել այլ մարզերի և Արցախի Հանրապետության` մրցանակային տեղեր զբազեցրած ընտանիքներին` շնորհավորելով նրանց ունեցած հաջողությունների համար: