Արմավիրի մարզպետի աշխատակազմ

ՀՀ Արմավիրի մարզպետ, մարզային զորակոչային հանձնաժողովի նախագահ Համբարձում Մաթևոսյանի գլխավորությամբ այսօր տեղի է ունեցել մարզային զորակոչային հանձնաժողովի նիստը` մասնակցությամբ Արմավիրի մարզպետի տեղակալի, Ոստիկանության Արմավիրի մարզային վարչության պետի, Արմավիրի մարզի զինվորական կոմիսարի, Արմավիրի ռազմական ոստիկանության պետի և այլ պաշտոնյաների:

Զորակոչային հանձնաժողովի նիստի ընթացքում քննարկվել է Արմավիրի մարզի ձմեռային զորակոչի ենթակա շարքային կազմի պարտադիր զինվորական ծառայության զորակոչից քաղաքացիների տարեկետման իրավունքից օգտվելու մասին եզրակացությունների տրամադրման և օրենքով չնախատեսված դեպքում քաղաքացուն տարեկետում տրամադրելու վերաբերյալ Հանրապետական զորակոչային հանձնաժողով առաջարկություններ ներկայացնելու վերաբերյալ հարցը: