Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղիշե Չարենցի ծննդյան 125-ամյակին նվիրված միջհամայնքային փառատոն Մյասնիկյան համայնքում
17.05.2022
ՀՀ Արմավիրի մարզպետ Էդվարդ Հովհաննիսյանը Մյասնիկյանի Արայի անվան միջնակարգ դպրոցում այսօր ներկա է գտնվել «Աշուղ Սայաթ-Նովի նման՝ ես երգ ու տաղ պիտի ասեմ» խորագիրը կրող միջհամայնքային փառատոնին:
Հայ մեծ գրող Եղիշե Չարենցի ծննդյան 125-ամյակին նվիրված միջոցառմանը մասնակցող Արմավիրի մարզի 13 դպրոց ներկայացրել է մեծանուն հայի ստեղծագործությունները՝ երգի, պարի, ասմունքի և բեմական կատարումների միջոցով:
Ողջունելով միջոցառման մասնակիցներին և կարևորելով միջհամայնքային փառատոնի անցկացման ձևաչափը՝ մարզպետ Էդվարդ Հովհաննիսյանը նշել է. «Հպարտությամբ պետք է կրկին փաստենք, որ Եղիշե Չարենցը հայ գրականության այն բացառիկ դեմքն է, որով մենք կարող ենք ներկայանալ աշխարհին: Նա, իսկապես, համաշխարհային երևույթ է, ի ծնե հանճար»:
Մարզպետն ուսուցիչներին հորդորել է մատաղ սերնդին դաստիարակել չարենցյան հայրենասիրական ու ազատատենչ գաղափարներով, որպեսզի նրանք ձգտեն դառնալ ժամանակի շունչը, հավերժ պայքարեն հանուն արդարության ու ազգային վեհ գաղափարների:
Ամփոփելով իր խոսքը՝ Էդվարդ Հովհաննիսյանը միջոցառման մասնակիցներին կոչ է արել հավատարիմ մնալ չարենցյան մտքին ու ոգուն, միասնական լինել և ուս-ուսի տված հասնել ազգային ու նվիրական երազանքների իրագործմանը:
