Արմավիրի մարզպետի աշխատակազմ

Արմավիրի մարզի Մեծամոր համայնքի մի շարք բնակավայրեում ՀՀ կառավարության կողմից իրականացվող սուբվենցիոն ծրագրերի շրջանակներում կառուցվել են խմելու ջրամատակարարման ցանցեր, վերանորոգվել են մշակույթի տներ, ջեռուցման համակարգ է կառուցվել երաժշտական դպրոցներում, կատարվել են մի շարք փողոցների գազամատակարարում և բնակավայրերի գազաֆիկացում:

Մասնավորապես՝

1. Արտաշար բնակավայրում խմելու ջրամատակարարման ցանցի կառուցում՝ 46% համայնքի և 54% պետության համաֆինանսավորմամբ:

2. Մարգարա բնակավայրի փողոցների գազամատակարարում, Ջանֆիդա, Փշատավան բնակավայրերի գազաֆիկացում՝ 35% համայնքի և 65% պետության համաֆինանսավորմամբ:

3. Մեծամոր համայնքի Գետաշեն բնակավայրի փողոցների ցածր ճնշման գազատարի կառուցում, Շենավան, Վարդանաշեն, Այգեշատ, Նոր Արմավիր, Եղեգնուտ, Ակնալիճ բնակավայրերի գազաֆիկացում՝ 55% համայնքի և 45% պետության համաֆինանսավորմամբ:

4. Մեծամոր համայնքի Արազափի մշակույթի տան վերանորոգում, Նոր Կեսարիայի մշակույթի տան ջեռուցման համակարգի կառուցում, Մրգաշատ բնակավայրի երաժշտական դպրոցի վերանորոգում և ջեռուցման համակարգի կառուցում, Նալբանդյան բնակավայրի երաժշտական դպրոցի ջեռուցման համակարգի կառուցում՝ 65% համայնքի և 35% պետության համաֆինանսավորմամբ:

Բոլոր նշված ծրագրերը ավարտվել  և հանձնվել են  շահագործման: