Արմավիրի մարզպետի աշխատակազմ

Համայնքային հերթական այցի շրջանակում մարզի ղեկավար Դավիթ Խուդաթյանն Արմավիր համայնքի ղեկավար Վարշամ Սարգսյանի, մարզպետի տեղակալ Խաչատուր Մկրտչյանի, Արմավիրի մարզպետի աշխատակազմի և համայնքապետարանի ոլորտային պատասխանատուների հետ այսօր Արմավիր քաղաքում հետևեց հրապարակամերձ հատվածում ժամանակակից լուծումներով այգու կառուցման աշխատանքներին:

Ծրագիրն իրականացվում է մասնակցային բյուջետավորման շրջանակներում` համայնք-կառավարություն համագործակցությամբ։
Ծրագրի արժեքը կազմում է 140.3 միլիոն դրամ։

Կառուցվելու է ամֆիթատրոն, ճեմուղիներ, այգում կլինեն ջրային հատվածներ, զրուցարաններ, այգին կլինի նոր ծառատեսակներով և դեկորատիվ բույսերով հարուստ կանաչապատ տարածք, կունենա անվաչմուշկների և սքեյթների համար նախատեսված հատված:

Այգու շինարարությունը կավարտվի 2024 թվականի դեկտեմբերին, շահագործման կհանձնվի 2025 թվականի գարնանը:

Շրջայցի ընթացքում զրուցեցի շինարարների հետ, ծանոթացա ծրագրի նախագծային լուծումներին, շինարարության ընթացքին: