Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք մատուցվեց 1988 թվականին ավերիչ երկրաշարժի օրերին կործանված հարավսլավիական ինքնաթիռի զոհերի հիշատակին
12.12.2024
Այսօր, ՀՀ Արմավիրի մարզպետի տեղակալ Խաչատուր Մկրտչյանը, Խոյ համայնքի ղեկավար Լյուդվիկ Յայլոյանը, Հայաստանում Սերբիայի արտակարգ և լիազոր դեսպան Տատյանա Պանայոտովիչ Ցվետկովիչը, մարզպետի աշխատակազմի և համայնքապետարանի ոլորտային պատասխանատուները հարգանքի տուրք մատուցեցին 1988 թվականի ավերիչ երկրաշարժին հաջորդած օրերին Հայաստանին օգնության շտապող և Էջմիածին քաղաքի մատույցներում ավիավթարի հետևանքով զոհված 7 սերբ օդաչուների հիշատակին:
Նրանք ծաղիկներ և ծաղկեպսակներ խոնարհեցին նահատակված սերբ օդաչուների հիշատակին նվիրված հուշակոթողին, որից հետո դեսպան Տատյանա Ցվետկովիչն իր երախտագիտությունը հայտնեց ներկաներին՝ իրենց հայրենակիցների հիշատակը վառ պահելու համար:
Հիշեցնենք, որ 1988 թվականի դեկտեմբերի 7-ի ավերիչ երկրաշարժի օրերին Հայաստանին դեղորայքային օգնություն բերող հարավսլավական ինքնաթիռը վայրէջքի վայրից մի քանի կիլոմետր հեռավորության վրա վթարի էր ենթարկվել, որի հետևանքով օիդանավի ողջ անձնակազմը զոհվել էր:
Ի հիշատակ զոհված անձնակազմի՝ ավիավթարի վայրում վթարված ինքնաթիռի կմախքից հուշակոթող է կանգնեցրել:
