Արմավիրի մարզպետի աշխատակազմ

Արմավիրի մարզում ավարտվել են ՀՀ ՆԳՆ փրկարար ծառայության Արմավիրի մարզային փրկարարական վարչության կողմից կազմակերպված պատանի հրշեջ-փրկարարների առաջնության մարզային փուլի խաղերը, որոնց արդյունքում հաղթող են Մեծամորի Ս. Գալստյանի անվան վարժարանի և Արշալույսի Ս․ Գրիգորյանի անվան միջնակարգ դպրոցի հավաքական թիմերը:

Լավագույն արդյունքներ ցուցաբերած աշակերտներից կազմված մարզային հավաքական թիմն Արմավիրի մարզը կներկայացնի մարզական առաջնության հանրապետական փուլի խաղերում:

Հանրապետական փուլի խաղերը կանցկացվեն մայիս ամսին:

Արդեն ավանդական դարձած առաջնությունը նպատակ ունի նոր սերնդի մոտ ձևավորել պատասխանատու և գիտակից վերաբերմունք հասարակական և անձնական անվտանգության նկատմամբ, ինչպես նաև փրկարարական գործի վերաբերյալ տալ գործնական գիտելիքներ, որոնք հետագայում կարող են հիմք հանդիսանալ մասնագիտական կողմնորոշման համար։

աջողություններ և հաղթանակ ենք մաղթում Արմավիրի մարզը ներկայացնող մեր պատանի հրշեջ-փրկարարներին: