Արմավիրի մարզպետի աշխատակազմ

Ուրախությամբ տեղեկացնում ենք, որ օրեր առաջ Մոլդովայի մայրաքաղաք Քիշնևում անցկացվող ծանրամարտի Եվրոպայի առաջնությունում Հայաստանը ներկայացնող արմավիրցի ծանրորդները նվաճել են նոր մեդալներ։

Օլիմպիական խաղերի կրկնակի փոխչեմպիոն, աշխարհի և Եվրոպայի կրկնակի չեմպիոն Սիմոն Մարտիրոսյանը, ով Արմավիրի մարզի Արաքս համայնքի Հայկաշեն բնակավայրի բնակիչ է, երկամարտում գրանցելով 406 կգ արդյունք՝ արժանացել է Եվրոպայի փոխչեմպիոնի կոչման։ Սիմոն Մարտիրոսյանը պոկում և հրում վարժություններում նվաճել է նաև մեկական փոքր արծաթե մեդալ։

Եվրոպայի առաջնության կրկնակի չեմպիոն Դավիթ Հովհաննիսյանը (Փարաքար համայնք, Բաղրամյան բնակավայր) երկամարտում 373 կգ արդյունքով զբաղեցրել է երրորդ տեղը։ Պոկում վարժությունում Հովհաննիսյանը արժանացել է նաև փոքր բրոնզե մեդալին։

Երիտասարդների Եվրոպայի առաջնության չեմպիոն Միլենա Խաչատրյանը, ով Արաքս համայնքի Ջրառատ բնակավայրի բնակիչ է, երկամարտում 226 կգ արդյունքով զբաղեցրել է 6-րդ տեղը։ Հրում վարժության արդյունքներով Խաչատրյանը դարձել է փոքր արծաթե մեդալակիր։

Շնորհավորում ենք մեր մարզիկներին և մաղթում նորանոր հաղթանակներ։