Արմավիրի մարզպետի աշխատակազմ

ՀՀ Արմավիրի մարզպետի աշխատակազմում անցկացվել է աշխատանքային հանդիպում մարզում գործող բժշկական կենտրոնների և բուժամբուլատորիաների ղեկավարների մասնակցությամբ։
Հանդիպման օրակարգում ընդգրկված էին առողջապահության ոլորտին առնչվող մի շարք կարևոր հարցեր, մասնավորապես՝

•  պատվաստումների ցուցանիշների քննարկում,
•  դեղերի շրջանառության գործընթացների կազմակերպում,
•  քաղաքացիների կողմից բարձրացված բողոքների ուսումնասիրություն և դրանց արձագանքման ընթացակարգեր։

Հանդիպումը վարել են Արմավիրի մարզպետի խորհրդական Արբակ Եղիազարյանը և ՀՀ Արմավիրի մարզպետի աշխատակազմի առողջապահության և սոցիալական ոլորտի հարցերի վարչության պետ Արեգնազ Գալոյանը։
Քննարկումների ընթացքում ընդգծվել է ոլորտում արդյունավետ կառավարման, բժշկական ծառայությունների որակի շարունակական բարձրացման, ինչպես նաև քաղաքացիների հետ հետադարձ կապի ապահովման կարևորությունը։