Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետի աշխատակազմում շարունակվում է արտակարգ իրավիճակների հետևանքով պատճառված վնասների գնահատման գործընթացը
30.07.2026
Արմավիրի մարզպետի տեղակալ Արամ Գրիգորյանն անցկացրել է աշխատանքային խորհրդակցություն, որի ընթացքում քննարկվել են ՀՀ Արմավիրի մարզի արտակարգ իրավիճակների հետևանքով ֆիզիկական և իրավաբանական անձանց պատճառված վնասների գնահատման հանձնաժողովների կողմից իրականացվող աշխատանքները։
Մասնավորապես, անդրադարձ է կատարվել Արմավիրի մարզի Արաքս համայնքի Ջրառատ, Առատաշեն, Խորոնք, Մեծամոր համայնքի Վարդանաշեն, Երասխահուն, Մարգարա, Արգավանդ բնակավայրերում 2026 թվականի հուլիսի 6-ին տեղի ունեցած ուժգին քամու և կարկուտի հետևանքով բնակիչների գյուղատնտեսական հողատարածքներին, անշարժ գույքին, ինչպես նաև ջերմոցային տնտեսություններին պատճառված վնասների գնահատման ընթացքին։
Խորհրդակցության ընթացքում քննարկվել են նաև գնահատման աշխատանքների արդյունքները, ինչպես նաև վնասված շինությունների և կառույցների վերականգնման գործընթացին առնչվող հարցեր։ Տրվել են համապատասխան հանձնարարականներ՝ աշխատանքներն արդյունավետ և սահմանված ժամկետներում իրականացնելու նպատակով։
