Արմավիրի մարզպետի աշխատակազմ

Կառավարության այսօրվա նիստի ընթացքում 299 մլն 606.0 հազար ՀՀ դրամ գումար է հատկացվել ՀՀ Արմավիրի մարզպետի աշխատակազմին՝ մարզի 5 համայնքների 2023-2025թթ հավանության արժանացած սուբվենցիոն
7 ծրագերի կառավարության մասնաբաժնի համաֆինանսավորման նպատակով:

Հատկացված գումարն ուղղվելու է հետևյալ աշխատանքներին․

• Վաղարշապատ համայնքի Ծիածան բնակավայրի ներտնտեսային ոռոգման ջրագծերի վերակառուցում՝46 մլն 230.6 հազար դրամ,
• Բաղրամյան համայնքի Երվանդաշատ, Բագարան, Կողբավան բնակավայրերի գազաֆիկացում՝ 38 մլն 812.7 հազար դրամ (մասնակի),
• Արմավիր համայնքի Արմավիր քաղաքի Սայաթ-Նովա փողոցի Արարատյան-Սայաթ-Նովա 5Ա բազմաբնակարան բնակելի շենքի հատվածի հիմնանորոգում և Արմավիր համայնքի Մյասնիկյան գյուղի Խանջյան փողոցի Երևանյան-Գագարին հատվածի հիմնանորոգում՝ 117 մլն 863.1 հազար դրամ,
• Արմավիր համայնքի Սարդարապատ գյուղի թիվ 9 փողոցի հիմնանորոգում՝ 15 մլն 144.1 հազար դրամ,
• Մեծամոր համայնքի Արևիկ բնակավայրի գազաֆիկացում՝ 10 մլն 112.4 հազար դրամ,
• Արմավիր համայնքի Արաքս գյուղի խմելու ջրամատակարարման ցանցերի վերակառուցում՝ 43 մլն 689.0 հազար դրամ,
• Արաքս համայնքի Արտիմետ գյուղի ոռոգման համակարգի կառուցում՝ 27 մլն 754.1 հազար դրամ: