Տեղեկատվական կենտրոն
Նորություններ
Մարզպետն ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպանին
20.11.2026
Արմավիրի մարզպետ Վահրամ Խաչատրյանն ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Ն.Գ. տիկին Մարիկե Մոնրոյ-Վինթերին։
Հանդիպման ընթացքում անդրադարձ է կատարվել Հայաստանի և Նիդերլանդների միջև պետական մակարդակով ձևավորված համագործակցությանը, դրա շրջանակում իրականացվող և ընթացիկ ծրագրերին ու նախանշված առաջնահերթություններին՝ դիտարկելով նաև այդ համագործակցության ներուժը Արմավիրի մարզի զարգացման, տարբեր ոլորտներում փորձի փոխանակման և համատեղ նախաձեռնությունների իրականացման տեսանկյունից։
Կարևորվել է միջազգային գործընկերների հետ կապերի զարգացումն ու համագործակցության նոր հնարավորությունների բացահայտումը՝ մարզի զարգացմանը միտված ծրագրերի իրականացման նպատակով։






