Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Մարզպետարան

Կառուցվածք

ՀՀ Արմավիրի մարզպետարանի կառուցվածքի գծապատկերը

ՀՀ Արմավիրի մարզպետարանի հաստիքացուցակը

ՀՀ Արմավիրի մարզպետարանի քաղաքացիական ծառայության պաշտոնների անվանացանկը

 

Առնակ Ավետիսյան

Առնակ Ավետիսյան

Հայաստանի Հանրապետության Արմավիրի մարզպետի տեղակալ

Կենսագրություն

Տարեթիվ, ամսաթիվ, ծննդավայր
17.06.1986 թ., Արմավիրի մարզ, քաղաք Արմավիր

Կրթություն
• 1993-2003թթ. սովորել է Արմավիր քաղաքի Ռ. Եղոյանի անվան թիվ 1 միջնակարգ դպրոցում:
• 2003-2008թթ. սովորել է Հայաստանի պետական տնտեսագիտական համալսարանի Ֆինանսական ֆակուլտետում՝ ստանալով տնտեսագետի որակավորում: Մասնագիտացումը՝ հաշվապահական հաշվառում և աուդիտ:
• 2011-2013թթ. սովորել է Հայաստանի պետական տնտեսագիտական համալսարանի «Միկրոէկոնոմիկայի և ձեռնարկատիրական գործունեության կազմակերպում» ամբիոնում՝ որպես հայցորդ:

Չորս գիտական հոդվածի հեղինակ՝
1. Ռազմավարական պլանավորման էությունը և խնդիրները
2. Կառավարման կազմակերպական կառուցվածքի ձևավորման տարրերը
3. Կազմակերպությունների կառավարման տեսական հիմնադրույթները
4. «Օրանժ Արմենիայի» կառավարման արդյունավետության բարձրացման հիմնախնդիրները

Աշխատանքային գործունեություն
• 2008-2008թթ. «Մերձափնյա» ՋՕԸ-ում գլխավոր ֆինանսիստ:
• 2010-2010թթ. «Մերձափնյա» ՋՕԸ-ում հաշվապահ:
• 2011-2016թթ. «Դյուցազն» ՍՊԸ-ում («Օրանժ Արմենիա»ՓԲԸ-ի ֆրանչայզ) սպասարկման կենտրոնի մենեջեր:
• 2016-2020թթ. «Յուքոմ» ՓԲԸ-ում վաճառքի և սպասարկման կենտրոնի ղեկավար:
• 2016-2020թթ. Արմավիր քաղաքային համայնքի ավագանու անդամ:
• 2020-2021թթ. ՀՀ պետական եկամուտների կոմիտեի նախագահի օգնական:
• 2021-2021թթ. ՀՀ պետական եկամուտների կոմիտեի Արարատյան մաքսատուն-վարչության պետի տեղակալ:
• 2021- 2022 թթ. ՀՀ Արմավիրի մարզպետի խորհրդական։

•  02.03.2022 թ. ՀՀ վարչապետի որոշմամբ նշանակվել է ՀՀ Արմավիրի մարզպետի տեղակալ:

Անձնական տվյալներ
Ամուսնացած է, ունի երկու որդի:

 

Գործառույթներ / իրավասություններ
  • Մարզպետի տեղակալին պաշտոնի է նշանակում և ազատում Հայաստանի Հանրապետության վարչապետը` մարզպետի առաջարկությամբ: Մարզպետի տեղակալը փոխարինում է մարզպետին նրա բացակայության ժամանակ, իրականացնում է մարզպետարանի կանոնադրությամբ իրեն վերապահված լիազորությունները:


Մարզպետի տեղակալը`
ա) համակարգում է մարզպետարանի աշխատանքները` մարզպետի կողմից իրականացվող քաղաքականության` իրեն հանձնարարված բնագավառներում.
բ) իր լիազորությունների սահմաններում համակարգում է մարզպետին վերապահված բնագավառում քաղաքականության ապահովման համար անհրաժեշտ` մարզպետարանի կառուցվածքային ստորաբաժանումների միջոցով իրականացվող աշխատանքները` տալով ցուցումներ և հանձնարարականներ.
գ) մարզպետարանի նպատակներին և խնդիրներին համապատասխան սահմանում է իրեն հանձնարարված բնագավառի` մարզպետարանի ստորաբաժանումներին կոնկրետ հանձնարարականները և առաջադրանքները, իրականացնում դրանց կատարման նկատմամբ վերահսկողություն.
դ) մարզպետի հանձնարարությամբ իրականացնում է մարզպետի մոտ քննարկվելիք հարցերի նախնական քննարկումները.
ե) համակարգում է իրեն հանձնարարված բնագավառներում մարզպետարանի կառուցվածքային ստորաբաժանումների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.
զ) իր լիազորությունների սահմաններում համագործակցում է պետական կառավարման և այլ մարմինների, կազմակերպությունների ու հիմնարկների հետ.
է) իրեն հանձնարարված բնագավառներում համակարգում է համապատասխան զարգացման ծրագրերի մշակման և իրականացման աշխատանքները.
ը) պարբերաբար մարզպետին ներկայացնում է տեղեկատվություն իրեն հանձնարարված բնագավառներում տիրող իրավիճակի մասին.
թ) ապահովում է իրեն հանձնարարված բնագավառներում մարզպետի կարգադրությունների ու որոշումների կատարման նկատմամբ վերահսկողությունն և արդյունքների մասին տեղեկացնում մարզպետին.
ժ) մարզպետին և Գլխավոր քարտուղարին ներկայացնում է առաջարկություններ նրանց իրավասությանը վերապահված հարցերի վերաբերյալ.
ժա) մարզպետի հանձնարարությամբ իրականացնում է այլ գործառույթներ:

Մարզպետի տեղակալը մարզպետի հանձնարարությամբ իրականացնում է նաև այլ լիազորություններ:

Մարզպետի տեղակալը չի կարող լինել համայնքի ավագանու անդամ, զբաղեցնել այլ պաշտոն կամ կատարել վճարովի այլ աշխատանք, բացի մանկավարժական, գիտական և ստեղծագործական աշխատանքից, և զբաղվել ձեռնարկատիրական գործունեությամբ:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2023-02-06 17:03:26