Արմավիրի մարզպետի աշխատակազմ

Տարեթիվ, ամսաթիվ, ծննդավայր
18 օգոստոս, 1986 թ., Արմավիրի մարզ, գյուղ Հայթաղ

Կրթություն
•1993-2003 թթ. սովորել է Հայթաղ գյուղի Հրայր Կարապետյանի անվան միջնակարգ դպրոցում:
• 2003-2007 թթ. սովորել է Երևանի պետական հենակետային բժշկական քոլեջի «Ատամնատեխնիկական գործ» բաժնում։
•2009-2014 թթ․ սովորել է Երևանի պետական համալսարանի Միջազգային հարաբերություններ ֆակուլտետում՝ ստանալով բակալավրի աստիճան։
•2014-2016 թթ․ սովորել է Երևանի պետական համալսարանի Տնտեսագիտություն և կառավարում ֆակուլտետում՝ ստանալով մագրիստրոսի աստիճան։

Աշխատանքային գործունեություն
•2018-2020 թթ. աշխատել է Հայթաղի համայնքապետարանում՝ որպես առաջատար մասնագետ։
•2020-2022 թթ. աշխատել է «Գազպրոմ» ՓԲԸ–ում։
•2022 թվականի օգոստոսից մինչև դեկտեմբեր աշխատել է ՀՀ Արմավիրի մարզի Խոյի համայնքապետարանի սոցիալական ապահովության և առողջապահության բաժնում՝ որպես առաջատար մասնագետ։
•2022 թվականի դեկտեմբերից մինչև 2023 թվականի հուլիս աշխատել է ՀՀ Արմավիրի մարզի Խոյի համայնքապետարանի սոցիալական ապահովության և առողջապահության բաժնում՝ որպես բաժնի պետ։
•2023 թվականի հուլիսից մինչև 2024 թվականի դեկտեմբեր աշխատել է ՀՀ Արմավիրի մարզի Խոյի համայնքապետարանում՝ որպես համայնքի ղեկավարի օգնական։
•2024թ.-ի դեկտեմբերի 10-ին նշանակվել է Արմավիրի մարզպետի խորհրդական:
•2025թ.-ի ապրիլի 29-ին ՀՀ վարչապետի որոշմամբ նշանակվել է ՀՀ Արմավիրի մարզպետի տեղակալ:

Այլ տվյալներ
• 2004-2006 թթ. ծառայել է ՀՀ Զինված ուժերում:

Կուսակցական պատկանելություն
• «Քաղաքացիական պայմանագիր» կուսակցության անդամ:

Անձնական տվյալներ
• Ամուսնացած չէ։

• Մարզպետի տեղակալին պաշտոնի է նշանակում և ազատում Հայաստանի Հանրապետության վարչապետը` մարզպետի առաջարկությամբ: Մարզպետի տեղակալը փոխարինում է մարզպետին նրա բացակայության ժամանակ, իրականացնում է մարզպետարանի կանոնադրությամբ իրեն վերապահված լիազորությունները:

Մարզպետի տեղակալը`
ա) համակարգում է մարզպետարանի աշխատանքները` մարզպետի կողմից իրականացվող քաղաքականության` իրեն հանձնարարված բնագավառներում.
բ) իր լիազորությունների սահմաններում համակարգում է մարզպետին վերապահված բնագավառում քաղաքականության ապահովման համար անհրաժեշտ` մարզպետարանի կառուցվածքային ստորաբաժանումների միջոցով իրականացվող աշխատանքները` տալով ցուցումներ և հանձնարարականներ.
գ) մարզպետարանի նպատակներին և խնդիրներին համապատասխան սահմանում է իրեն հանձնարարված բնագավառի` մարզպետարանի ստորաբաժանումներին կոնկրետ հանձնարարականները և առաջադրանքները, իրականացնում դրանց կատարման նկատմամբ վերահսկողություն.
դ) մարզպետի հանձնարարությամբ իրականացնում է մարզպետի մոտ քննարկվելիք հարցերի նախնական քննարկումները.
ե) համակարգում է իրեն հանձնարարված բնագավառներում մարզպետարանի կառուցվածքային ստորաբաժանումների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.
զ) իր լիազորությունների սահմաններում համագործակցում է պետական կառավարման և այլ մարմինների, կազմակերպությունների ու հիմնարկների հետ.
է) իրեն հանձնարարված բնագավառներում համակարգում է համապատասխան զարգացման ծրագրերի մշակման և իրականացման աշխատանքները.
ը) պարբերաբար մարզպետին ներկայացնում է տեղեկատվություն իրեն հանձնարարված բնագավառներում տիրող իրավիճակի մասին.
թ) ապահովում է իրեն հանձնարարված բնագավառներում մարզպետի կարգադրությունների ու որոշումների կատարման նկատմամբ վերահսկողությունն և արդյունքների մասին տեղեկացնում մարզպետին.
ժ) մարզպետին և Գլխավոր քարտուղարին ներկայացնում է առաջարկություններ նրանց իրավասությանը վերապահված հարցերի վերաբերյալ.
ժա) մարզպետի հանձնարարությամբ իրականացնում է այլ գործառույթներ:

Մարզպետի տեղակալը մարզպետի հանձնարարությամբ իրականացնում է նաև այլ լիազորություններ:

Մարզպետի տեղակալը չի կարող լինել համայնքի ավագանու անդամ, զբաղեցնել այլ պաշտոն կամ կատարել վճարովի այլ աշխատանք, բացի մանկավարժական, գիտական և ստեղծագործական աշխատանքից, և զբաղվել ձեռնարկատիրական գործունեությամբ: